قصه رائعه

بدايتي السلام عليكم
أنا انسان متواضع أعيش مع أسره بسيطه والحمدلله موضف حكومي براتب بسيط يعني عسكري مااطول عليكم خلينا ندخل في القصه وياليت تقرونها لانها حصلت لي انا000المهم بدايتي كانت في اول ثانوي حبيت انسانه وحبتني واستمريت معاها فتره حوالي6اشهر وكان حبي لها بغرض الزواج حبيتها من قلبي عطيتها كل مشاعري ولكن في الأخير انخطبت من واحد غصب عنها ومن يومها وانا ماادري وين الله حاطني تعذبت كثير لدرجة اني ماكنت انام ورسبت في دراستي وعدت سنه كامله وبعدها الله قدرني ونسيت ومرت السنين وتعدلت اوضاعي ولكن في الترم الثاني من ثاني ثانوي بدت قصتي مع وحده كانت تدرس مع اختي وتراجعت كثييييير ماابغا اندم وحاولت اني انسى الماضي ولكني قلت انشاءالله يعوضني خير وبديت احبها وتبادلنيي نفس الشعور وحبتني وحبيتها وكانت تعطيني كل شي وبدت تتحكم بمشاعري واتحكم بمشاعرها وفي الأخير يوم اني بديت اقترب منها جاها ولد عمها وتزوجها غصب عنها وتحطمت كثير وكرهت كل اللي حولي وتغيرت تصرفاتي حتى مع اهلي ومن قوة الصدمه تذكرت حبي الأول وكنت بأسوي شي لايرضي الله ولارسوله يعني فكرت في الانتحار ولكن ماادري ايش اللي خلاني اتراجع ونسيت كل اللي صار وكانت هذي الصدمه الثانيه لكنها مانستني وكانت تسال علي عن طريق اختي لدرجة انو جاها ولد وسمته على اسمي وبدت حالتي تتحسن الين تخرجت من الثانويه وطلعت في الاجازه ادور على وظيفه وماخليت مكان رحت الرياض ورحت ابها ورحت الدمام وفي الاخير سجلت في الكليه التقنيه بجازان لأني من جيزان واهلي قريبين مني ولكن قبلها يوم مارحت الدمام رحت ادور على وظيفه رحت زياره عند ناس قريبين مني ومااخفي عليكم كانت خالتي اللي زرتها بس كان في بالي انسانه حبيتها من يوم انا صغير تكون بنت خالتي بس بعد ماسمعت انها انخطبت قلت في نفسي اني تأخرت كثير وهذا نصيبها بس ان الخطوبه مااستمرت لان ابوها كانت شروطه معقده واهل الولد مارضيو بشروطه وبعد ماسمعت ان خطوبتها مااستمرت قلت خليني ابين لها مشاعري بس خفت لو تأخذ عني فكره وفي نفس الوقت هي تبي تبين مشاعرها واحاسيسها اتجاهي بس كانت خايفه لو آخذ عنها فكره سيئه ولكني تخطيت كل شي وبينت لها حبي بس كان عن طريق التلفون لاني مااقابلها تصير بنت خالتي واستمريت انا وياها فوق سنتين وتحملنا كل شي وعطتني قلبها وعطيتها قلبي وحبيتها حب والله حتى اهلي ماحبيتهم زي ماحبيتها والله شاهد علي وكنا متأملين خير واقتربنا من بعض أكثر وأكثر وصارت كل شي عندي بالدنيا استمرت السنين وتركت الكليه وسجلت في كليه الملك فهد الأمنيه في أمن المنشآت وكانت قريبه مني وشجعتني كثير وبعد فتره حصلت مشكله وانقطعت عني غصب عنها وايامها كنت في تبوك وبعدها تقريبا بثلاث او اربع ايام سافرت على مكه لأن دورتي كانت هناك وجلست 38يوم مااسمع عنها شي لأنو ماكان عندي جوال لأنو ممنوع وبعدها طلعت وسافرت عالديره وفي يوم جاني اتصال على جوالي ورديت وسمعت صوتها وكانت هي حبييتي والله اني حسيت باحساس غريب حسيت ان الأرض موقادره تشيلني وماعرفت اتكلم واستمريت معاها الين ماتخرجت من الدوره طبعا تحملت كل شي بتشجيعها لأنها كانت قريبه مني كثير وبعدها جا تعييني عالمنطقه الشرقيه محافظه الجبيل وفرحت كثير مع ان اهلي بيكونون بعيدين عني بس فرحتي لأني بأكون قريب من حبيبتي وتمنيت اني اشوفها بعد كل هالسنين حتى هي كانت تتمنى تشوفني وقدر الله وشفتها وشافتني وجلسنا مع بعض وكنت اتمنى لها كل خير وماعمري تمنيت لها الشر وبعدها حبينا بعض اكثر واكثر واكثر وصدقوني ماحبيتها علشان جمالها مع انها كانت جميله جدا لدرجة انها سحرتني لكني حبيت قلبها وروحها اللي كانت اجمل من كل شي وبعدها دخلنا في مشاكل مع ناس قريبين منا وهدفهم انهم يفرقون بيننا بس حاولو وماقدرو يفرقونا لان حبنا اقوى من كل شي واستمريت فتره وتحملت كل شي وهي بعد تحملت كل شي وبعدها تركت بيتهم وسكنت في الجبيل بس كان قلبي معاها وماتركتها ولو لحظه وتعبت كثير جلست تقريبا شهر وانا تعبان بس خبيت عليها ومابينت لها شي مع انو كان بيننا الصراحه في كل شي لدرجة اني صارحتها بحبي الأول والثاني وقدرت هي بعد الله انها تنسيني كل شي بس اني خفت عليها وبعدها تعدلت اوضاعنا وقدرنا ننسا المشاكل وبعد فتره قدرت اشوفها وتشوفني بس والله عمري ماحبيت انسانه مثلها وكانت تتمنى لي كل خير حتى من كثر ماأحبها نسيت أخوياي وماصرت أسأل عنهم ولاحظو علي الشي هذا وعاتبوني كثير بس اني مااهتميت لأنها معاي بقلبي من كثر ماأحبها تمنيت ان الناس كلهم مثلها في طيبتها وفي حبها لي حتى انها كانت تسهر معاي اذا تعبت وكل شوي تتصل وتسأل ومن كثر ماأحبها اقسمت لها على المصحف والله شاهد علي اني احبها واتمنى لها كل خير لدرجه اني اغار عليها كثير حتى لو سمعت احد من اقاربنا يتكلم عنها او يمدحها او ينطق اسمها احقد عليه كثير حتى لو كان أخوها لأني من كثر ماأحبها ماأبغا احد ينطق اسمها الا انا وبعدها ظهرت لنا مشكله ان جدتي ارضعتني واني اصير اخو امها وفي نفس الوقت اصير خالها وتعبنا كثير وزادت المشاكل وتحملنا كثير وبديت ادور على شي يطلعنا من هالمشكله وفي الأخير مالنا الا حل واحد اننا نسأل جدتنا مع انها كبيره بالسن بس قلنا عسى انها تتذكر شي يكون في صالحنا وكان فيه واحد يعز علي كثير يصير ولد خالي شرحت له الموضوع كامل وقدر وضعي مع اني كلمت كثير بس مافي احد رد لي اي خبر وفي يوم كنت اسولف معاها عالجوال ودق جوالها الثاني وانقطع الأتصال بيننا وبعد نص ساعه اتصلت علي بس حسيت انو فيه شي لأن صوتها تغير وسألتها ايش فيك قالتلي انو ولد خالها اللي يصير بنفس الوقت ولد خالي اتصل عليها وقالها انو سأل جدتي وقالتله انها ارضعتني رضاعه كامله واني اصير خالها بعد ماسمعت كل الكلام حسيت بأني مالي وجود بالحياه بعدها لأنها اغلى امنيه تمنيتها بحياتي والله ماتمنيت اني اصير غني ولااصير انسان مهم والله ماتمنيت الاهي وكانت امنيتي الوحيده بالحياه وبعدها اخذت سيارتي وطلعت وكان كل تفكيري اني انتحر وارتاح من هالحياه اللي اخذت مني اللي اتمناه وكانت هي تتصل علي وماكنت أرد ولاكن بعد فتره رديت وسمعت صوتها ومع اني كنت مصدوم وهي بعد مصدومه وكل الموقف اللي صار ارسلتلي رساله انها تحبني وماراح تتركني حسيت ان روحي ردت مكانها وهذا من كثر ماهي تحبني وتتمنالي الخير وبعدها رجعت الشقه وندمت كثير لأني كنت بأسوي شي أندم عليه في الآخره وأتعذب وهي بعد أعذبها معي في الدنيا بس صدقوني انو هذا الشي مومني لأني حسيت انو كل شي ضاع مني لأنها كانت أملي بالحياه بس بعد كل اللي صار تبقى اول وآخر حبيبه وابقى طوووووووول ماانا عايش احبها وتبقى بقلبي ومايعيش احد بقلبي غيرها وصدقوني حتى لو ارتبطت مع اي وحده ثانيه عن طريق الزواج راح تكون معايه جسد من غير روح انا عارف اني راح اظلمها معايه بس الله عالم بحالي وصدقوني اني ابقى احبها لآخر يوم بحياتي واتمنالها كل خير وادعيلها بصلاتي وانتو بعد ارجو منكم الدعاء لها بالتوفيق هذا حكم القدر وانشاءالله يعوضها خير0000والسلام عليكم ورحمة الله وبركاته0000ارجو من اي احد يقرا قصتي انو ينشرها علشان يعرفون مدى حبي لهاالبنت0000صدقوني كل الكلام اللي قلته طالع من قلبي والله شاهد وعالم0000

احبها احبها احبها